Төнге сменада эшләгән кешеләргә симерү куркынычы яный

Төнге сменада эшләгән кешеләргә симерү куркынычы яный
Төнге сменада эшләгән кешеләргә симерү куркынычы яный, дип яза "Здоровье" журналы.

Төнге каравылда торган кешенең авырлыгы артуын "йоклап тик ята, шуңа симерә" дип гаепләп аңлатучылар да бар. Ә чынлыкта бу кешенең яшәү ритмнары үзгәрүгә бәйле.

Кеше организмы тәүлек вакытына бәйле. Һәм бу яктылык булу-булмауга карамый. Кеше организмындагы барлык күзәнәкләр дә яктылыкны кабул итми, шул сәбәпле, тышта яктымы-юкмы икәнен белә алмый. Сигналны аларга баш мие җибәреп тора. 

Көндезге "дөрес" яктылык булмаганда, баш мие җибәргән сигналлар аркасында күзәнәкләр дөрес ритмда эшләмәскә мөмкин. Биологик ритм бозулуны эчәклектәге ILC3 иммун күзәнәкләр начар кичерә. Алар инфекцияләргә каршы көрәшә һәм майларны эшкәртә. Биологик сәгатьләр бозылганда аларның саны кими. Бу эчәклекнең ялкынсынуына, көчсезләнүенә һәм артык майлар җыелуына китерә.