Татарстанда үсә торган кайсы җимештә аскорбин кислотасы лимоннан 70 тапкыр күбрәк?

Балан бик күп авырулар вакытында зур файда китерә.

Балан җимешләрендә валериана кислотасы бар, ул тынычландыра. Баланда файдалы микроэлементлар (йод, тимер, калий, фосфор, бакыр, магний, цинк, селен) күп; бөтен организмга файда бирә торган А, С, Е, К, Р витаминнары бар. Бу турыда «Челнинские известия» сайты хәбәр итте.

Балан составындагы дубильләү матдәләре кан тамырлары стенасын ныгыта, вибурин дигән матдә кан тамырларын киңәйтә, сумалалы матдәләр, эфир һәм кумариннар липидлар алмашын яхшырта һәм канны түбән тыгызлыклы итә торган липопротеиннарны киметә.

Баланда аскорбин кислотасы лимондагыдан 70 тапкыр күбрәк.

Бу җимешне халык медицинасында йөрәк-кан тамырлары авырулары булганда кулланалар. Баланлы чәй, соклар һәм компотларны кан басымын төшерү өчен эчәләр. Гипертониклар өчен баланны төше белән ашау хәерле. Бал белән изелгән баланны тахикардия вакытында ашау файдалы. Балан төнәтмәсе дә бик файдалы була. Аерым кисәтүләр булмаса, бу җимешне төрлечә итеп һәм теләгән күләмдә ашарга була, диелә хәбәрдә.