Яман шешнең иртән торгач күренә торган билгеләре нинди?
Химиотерапевт рак белән авыручылар үзен иртән ничек хис итүен аңлатты.
Иртәнге якта арыганлык һәм апатия хисе кичерүче кешеләр яман шеш белән авырып китәргә мөмкин. Бу турыда «Бишенче канал»га химиотерапевт Андрей Базылев сөйләгән.
«Һичшиксез, табибка мөрәҗәгать итегез. Бу онкология авыруы билгесе булырга мөмкин», — ди ул.
Табиб сүзләренчә, әлеге симптомнар организмның эшчәнлеге бозылуын аңлата. Шуңа күрә моның сәбәбен ачыкларга һәм тиз арада аны төзәтергә кирәк, ди белгеч.