Студентларга нинди эштә күбрәк акча түлиләр? | intertat.tatar

Студентларга нинди эштә күбрәк акча түлиләр?

Башлаучы программистлар, юристлар һәм аналитиклар шактый зур хезмәт хакы ала.

Экспертлар Россия студентларына тәкъдим ителә торган вакансияләрне тикшергән. Эш бирүчеләр иң күп хезмәт хакын башлаучы программистларга, юристларга, аниматор-мультипликаторлар һәм аналитикларга тәкъдим итә. Бу турыда ТАСС агентлыгы Superjob порталы белешмәләренә сылтама белән хәбәр итә.

Вакансияләрнең күбесе ай-ти өлкәдә. Мәскәүдә программистларга 90 мең сум хезмәт хакы түлиләр.

Эшли башлаучы юристлар 100 меңгә кадәр хезмәт хакы алырга мөмкин.

2D аниматорлар 75 меңгә кадәр хезмәт хакы өмет итә ала.

Финанс аналитикларына 60 мең сум тирәсе хезмәт хакы түлиләр, диелә хәбәрдә.