Эшләүче пенсионерларның пенсияләре индексацияләнәчәк

Тиешле төзәтмәләрне Россия Конституциясенә кабул итәргә телиләр.

Дәүләт Думасы депутатлары Россия Конституциясенә пенсияләрне даими индексацияләү турында төзәтмә кертүне беренче укылышта хуплады.

Профильле эшче төркем рәистәше Талия Хәбриева әйтүенчә, яңа нормалар эшләүче пенсионерларга да кагылачак. Экспертлар мондый алымны гадел дип бәяләгән. Чөнки гражданнарның бу категориясе барлык фондларга, шул исәптән пенсия фондына да акча күчерүне дәвам итә. Бу хакта ТАСС агентлыгы яза.

«Бу бик гадел дип уйлыйм. Чөнки эшләүче пенсионерларның пенсияләренә индексация ясамау турыдан-туры кеше хокукларын боза һәм конституцион гарантияләрне зәгыйфьләндерә», — диде Заманча үсеш институтының «Финанслар һәм икътисад» юнәлеше җитәкчесе Никита Масленников.