Көзгене ялтыратып чистартуның гап-гади ысулы | intertat.tatar

Көзгене ялтыратып чистартуның гап-гади ысулы

Совет заманындагы «Работница» журналында чыккан киңәш көзгене кристаллдай ялтыратырга мөмкин.

Көзгене бәрәңге ярдәмендә чистарту өчен киңәш совет заманында нәшер ителә торган «Работница» журналында чыккан. Бу турыда киңәшләр сайтында хәбәр ителә.

Бәрәңгене яхшылап юыгыз, корытып сөртегез һәм урталай ярыгыз. Кабыгын әрчемәсәң дә ярый. Бәрәңге кисәкләре белән көзге пыяласын ышкыгыз.

Бәрәңге составындагы крахмал көзгедәге пычракны, каткан тапларны бик тиз чистарта.

Аннары дымлы чүпрәк белән көзгедән бәрәңге согын сөртеп алыгыз.

Коры чүпрәк алып, көзгене ялтыраганчы ышкыгыз.

Бәрәңге белән дә көзгене спиртлы чаралар кебек чиста итеп ялтыратырга була, диелә бу хәбәрдә.