Нинди балалар истерикага ешрак бирелә?

Балаларда сөйләм үсеше тоткарлану һәм котыру өянәкләре бер-берсенә бәйле икәне күптән әйтелгән. Тик хәзер галимнәр моны статистик нәтиҗә белән раслады.
Төньяк-көнбатыш университеты хезмәткәрләре 2000 мең баланың сөйләм үсеше дәрәҗәсен һәм истерикага бирешүчәнлеген тикшергән, дип яза Здоровье басмасы. 

Сөйләм үсеше нормаль булган балаларга караганда, беренче сүзләрен шактый соң, 24-30 айда гына әйткән балалар ешрак истерика оештырганы ачыкланган. “Көчле истерика” дигәндә галимнәр сулыш алу тоткарлану, куллар яки аяклар белән сугуны күздә тоткан. Мөһим нюанс: артык ярсучанлык һәм сөйләм үсеше тоткарлану – һәрберсе аерым-аерым укуда тайпылышлар китереп чыгара, ә аларның уртак йогынтысы хәлне тагын да көчәйтә ала. Тикшеренү авторлары әйтүенчә, мондый проблемалары булган балаларны иртәрәк ачыклау мөһим. Бу аларда киләчәктә тәртип һәм когнитив тайпылышлар булмасын өчен кирәк.