Бәрәңге кыздырганда нишләргә ярамый? | intertat.tatar

Бәрәңге кыздырганда нишләргә ярамый?

Бәрәңгене төнгә суга калдырсаң, крахмалы чыгып бетә һәм тәмлерәк булып пешә.

Бәрәңгене дөрес итеп кыздыру турында киңәшләр сайтында яздылар. 

Кыздырырга дип алынган бәрәңге шома, бер сортлы, каты һәм бер үлчәмдәрәк булырга тиеш. Шул очракта алар барысы да тигез кызар.

Әрчелгән бәрәңгене суда чылатып, артык крахмалын чыгарыгыз. Төнгә суга салып калдырырга да була, кимендә ике сәгать суда тоту кирәк. Вакыт булмаса, туралган бәрәңгене салкын су белән юыгыз, аннары кәгазь тастымал белән корытыгыз.

Туралган бәрәңге кисәкләренең үлчәме һәм формасы әһәмиятле түгел. Алар барысы да бер төрле калынлыкта гына булсын. Калынрак булган саен, пешү вакыты да арта.

Бәрәңгене чуен табада үсемлек маенда кыздыру яхшырак. Табаның төбе калын булырга тиеш. 

Аны бер катлам итеп тезеп, кызган май өстенә салсаң, яхшырак кетердәп торыр.

Асты кызмаган килеш бәрәңгене әйләндерергә ярамый. Юкса ул әйбәтләп кызмый. 

Тозны азактан гына сибәргә кирәк. Юкса аның дымы чыгып бетеп, тәме дә, матурлыгы да бозылыр, диелә хәбәрдә.