Нинди кешеләрнең онкология белән сирәгрәк авырганын ачыклаганнар
Үз гомерендә бер генә кеше белән җенси мөнәсәбәттә булган кешеләр яман шеш белән сирәгрәк авырый.
Әгәр кешенең үз гомерендә ун яки аннан да күбрәк җенси партнеры булса, онкология авырулары килеп чыгу ихтималы шактый арта. Бу закончалык ир-атлар өчен дә, хатын-кызлар өчен дә туры килә. Төрле ил галимнәреннән торган төркем шундый нәтиҗә ясаган. Бу турыда «Челнинские известия» хәбәр итте.
Бөек Британия, Италия, Канада, Австрия, Төркия белгечләре Британиядә яшәүче 6 мең кешене тикшергән. Тәҗрибәдә катнашучылар үзләренең җенси тормышы турында сорауларга җавап биргән. Аларның уртача яше 64 яшь булган.
Үз гомерендә бер генә ир-ат белән яшәүче хатын-кызлардан аермалы буларак, уннан да артык җенси партнеры булган хатын-кызларның 91 процентында яман шеш ешрак табылган.
Ир-атлар өчен дә шундый ук тенденция күзәтелә. Үз гомерендә ун яки аннан да артык хатын-кыз белән җенси мөнәсәбәттә булган ир-атларның 69 проценты онкология авырулары белән ешрак авырый.
Галимнәр фикеренчә, бу закончалык җенси юл белән йоктыра торган авыруларның йогынтысы белән бәйле.
