Йокы туйсын өчен, ничәдә йокларга ятарга кирәк? | intertat.tatar

Йокы туйсын өчен, ничәдә йокларга ятарга кирәк?

Сорауга “ Ваше здоровье” нейроклиника үзәге җитәкчесе Юлия Трошина җавап бирә:

- Кичке 10нар тирәсендә организмда күп күләмдә йокы гормоны – мелатонин бүленеп чыга. Ул йокы ишекләрен ача торган гормон. Шушы вакытта йокларга яткан кеше мөмкин булганча тирән йокыга тала. Төн дәвамында берничә йокы циклын үтеп, ул йокысы туеп, яхшы кәеф белән иртәнге 6-7 тирәсендә уяна.

Әгәр кеше йокларга ятып, берничә сәгать дәвамында йокыга китә алмый, 6да торасы бар дип, һаман сәгатькә карый, борчыла икән, бу йокыга китүгә тагын да аяк чала.