Ковид белән авырганда нәрсә ашарга ярамый?
Табиб сүзләренчә, вакыт узу белән организм нормага килә.
Даими стресс, дөрес тукланмау, йокы туймау тәм тою хисен төзәлмәслек итеп бозарга мөмкин. Бу турыда югары категорияле ЛОР-табиб, медицина фәннәре кандидаты Владимир Зайцев Ura.ru сайтына әйткән.
«Кеше гел стресс кичерсә, йокысы туймаса, дөрес тукланмаса, яхшылык көтмә. Иң мөһиме, диетада бик зур хилафлыклар булса, бик ачы, борычлы, тозлы, кап-кайнар, каты ризык ашаса, тәм тою хисе кабат барлыкка килмәскә дә мөмкин», — ди ул.
Табиб сүзләренчә, вакыт узу белән организм нормага килә, вирус бик тирәнгә узып кермәсә бигрәк тә. Шулай да аңа ярдәм итәргә кирәк, сәламәт яшәү рәвеше алып барырга, дөрес тукланырга һәм ял итәргә, дип киңәш итә табиб.