Салкын тигәндә кайнар чәй эчүнең нинди зыяны бар?
Диетолог фикеренчә, кайнар чәй эчү кешене хәлсезләндерергә мөмкин.
Диетолог Елена Соломатина салкын тигән вакытта кайнар чәй эчүнең файдасы булмавын әйтте. Бу турыда ул «Вечерняя Москва» агентлыгына интервьюда сөйләде.
Белгеч сүзләренчә, температура югары булганда, кайнар чәй эчәргә ярамый. «Җылы чәй эчәргә кирәк, кайнарны түгел. Юкса кешенең хәле начарланырга мөмкин. Чәй җылыта торган эффект бирә. Теләсә нинди чәй, кайнары да, салкыны да сидек кудыру үзлегенә ия», — ди ул.
Диетолог чәй эчүнең организмнан сыеклык кудыруын искәртә. Ә температура югары булганда сыеклык болай да тир рәвешендә бүленеп чыга.
Соломатина салкын тиеп авырганда селтеле эчемлекләр (щелочные напитки) эчәргә киңәш итә, диелә хәбәрдә.
