Колорадо коңгызыннан котылу өчен көзен ни эшләп була? | intertat.tatar

Колорадо коңгызыннан котылу өчен көзен ни эшләп була?

Аю чикерткәсе (медведка), каты корт (проволочник), колорадо коңгызы өчен капкыннар куярга кирәк.

Көз көне колорадо коңгызы өчен капкыннар ясап куярга кирәк. Бакчага бәрәңге сабагы күчләре ясагыз. Кортлар шуңа җыелгач, бөтенесен бергә яндырыгыз. Бу турыда «Челнинские известия» яза.

Аю чикерткәсе (медведка) өчен дә капкын ясап була. Моның өчен бакчага ярты метр чамасы тирәнлектә чокырлар казыгыз. Төбенә салам чүбе җәегез. Кортлар шунда җыелыр. Салкын көннәрдә шушы чокырларны казып ташлагыз, кортлар шунда үлеп бетә.

Каты корт (проволочник) өчен махсус капкын ясыйлар. Кишер, чөгендер, бәрәңге кисәкләрен җиргә 10 см чамасы тирәнлеккә бер-берсеннән бер метр чамасы ераклыкта күмегез. Бераз вакыт узгач, шуларны казып алыгыз, җыелган личинкаларны юк итегез.