Россия тарихында беренче прививканы патшага ясаганнар - аның исеме кем?
Беренче прививканы патшабикәгә, икенчесен аның улына ясыйлар.
Россиядә вакцина куллану тарихы 1768 елдан башлана дип исәпләнә. Бу вакытта илдә чәчәк авыруы котыра. Императрица Екатерина II Петербургка Британиядән танылган доктор һәм прививкаларны яклаучы Томас Димсдейлны чакырта. Беренче прививканы патшабикәгә, икенчесен аның улы Павелга ясыйлар. Бу турыда РБК сайтында язылган.
Хәзер Екатерина II вакцинациянең мөһимлеге турында язган хатны аукционда саталар. Аның бәясе 78-117 миллион сум чамасы була. Бу турыда РЕН ТВ хәбәр итте.
MacDougalls’s аукцион йорты шул хакта хәбәр иткәнчә, алар хатның чын булуын тикшерткән. Шулай итеп Екатерина II патшабикәнең хаты Россиядә вакцинация кампаниясе турында беренче документ булып тора.
Екатерина Кырымга сәяхәте вакытында «Төрле чаралар белән бер рәттән прививка ясаттыру да макталырга тиеш», - дип яза ул генерал-фельдмаршал граф Петр Румянцевка.