Ришвәтчеләрдән конфискацияләнгән акчалар кая китә?
Россия Финанслар министрлыгы ришвәтчелеккә кагылышлы эшләр буенча килгән акчаларны Пенсия фонды хисабына күчерә.
2019 елдан башлап Россия Финанслар министрлыгы коррупция эшләре буенча конфискацияләнгән акчаларны, шулай ук законсыз табылган малны сатудан килгән акчаларны иминият пенсияләрен түләү өчен тота. Бу турыда Финанслар министрлыгының узган елдагы эшчәнлеге турында хисап докладына сылтама белән Рамблер.Новости язды.
«2010 елдан башлап, коррупциягә каршы көрәш кысаларында алынган, ришвәтчелек гамәлләре нәтиҗәсендә табылган һәм конфискацияләнгән, башка милекне сатудан кергән акчалар Россия табышына әверелә. Алар Россия Пенсия фонды бюджетына күчерелә һәм иминият пенсияләрен түләү өчен тотыла», диелә докладта.