Организмда тромб булуын үзең карап кына ничек белергә?
Тромб үпкә артериясендә барлыкка килсә, кеше коры ютәлдән интегә, сулыш алу кыен була.
Британия профессоры Марк Уайтли организмда тромб булуын аңлата торган билгеләр турында сөйләгән. Бу турыда Daily Express басмасына сылтама белән РИА Новости яза.
«Мәсәлән, аякта ул ялкынсынган каты шеш булып күренә. Әгәр вена өстә урнашса һәм шактый зур булса, ул озын нечкә колбаса кебек була, аның өсте кызарып тора», — ди белгеч.
Тромб үпкә артериясендә барлыкка килсә, кеше коры ютәлдән интегә, сулыш алу кыен була. Кан бүленеп чыгарга, кан басымы төшәргә мөмкин. Тромбның мондый төре барлыкка килгәндә, күкрәктә авырту барлыкка килергә мөмкин.
Әгәр кан төере аякта тирән веналарда булса, аяк шешергә мөмкин.
Тромб барлыкка килмәсен өчен күбрәк хәрәкәтләнергә кирәк, ди белгеч.
«Өйдә яки көн буе офиста эшләсәгез, физик активлыксыз озак вакыт уза. Йөри алмасагыз, һичьюгы сузылып алыгыз. Тәмәке тартмагыз», — ди табиб.