Калифорния университеты галимнәре 467 кешегә яздырып ала торган җайланма беркеткән һәм аларның ни дәрәҗәдә кеше гайбәтен сатканын ачыклаган. Бу хакта "Российская газета" яза.
Кешеләр көненә уртача 52 минут гайбәт сата булып чыккан.
Кеше "йолдызларның" түгел, башлыча танышларының гайбәтен сөйләшә икән. Гайбәтнең 75 проценты нейтраль рухта булган. Ә менә тискәре гайбәт уңайга караганда ике тапкыр күбрәк икән.
Нәтиҗә шуны күрсәтә - кешенең бөтен сөйләшүләренең 14 проценты башка кешеләр турында. Иң кызыгы - яшьләр өлкәннәргә караганда күбрәк гайбәт сата икән. Яшьләрнең гайбәте тискәре рухта булуы ачыкланган.
Кешеләр көненә уртача 52 минут гайбәт сата булып чыккан.
Иң кызыгы - хатын-кызлар ирләрдән күбрәк гайбәт сөйләшми булып чыккан. Һәм хатын-кызларга тагын бер плюс - аларның башка кеше турында сөйләшүе гадәттә нейтраль характерда була икән. Алар башка кешеләрнең социаль проблемалары турында сөйләшәләр булып чыккан.
Кереме аз кешеләр дә, бай кешеләр дә бер үк дәрәҗәдә гайбәт сөйләшә.
Кеше "йолдызларның" түгел, башлыча танышларының гайбәтен сөйләшә икән. Гайбәтнең 75 проценты нейтраль рухта булган. Ә менә тискәре гайбәт уңайга караганда ике тапкыр күбрәк икән.
Экстраверт - кешеләр белән аралашырга яратучылар күбрәк гайбәт сата икән. Үз эченә бикләнгән кешеләр гайбәтне азрак сөйләшә.
Шулай итеп, гайбәтне бөтен кеше дә сөйләшә икәнлеге ачыкланган. Шул ук вакытта эксперимент уздыручылар гайбәтнең уңай ягын да ачыклаган. Гайбәт сөйләшеп, кешеләр арасында дуслык һәм бер-берсенә ышану хисе туа икән.
