Ни өчен пыяла савыттагы ризык тәмлерәк була?

"Здоровье" журналы язуынча, пыяла савыттагы ризыкның тәмлерәк тоелуы психологик феномен. Кешегә матур итеп төрелгән бүләкне кабул итү рәхәтрәк. Шул ук рәвешчә, пыяла савыт ул - балачак хатирәсе.

Әмма эш анда гына түгел. Савыт та эчемлекнең тәменә дә тәэсир итә ала. Мәсәлән, алюмин банка эчемлекнең ароматизаторларын күпмедер дәрәҗәдә "йота" ала. Пластик шешәләрдәге ацетальдегид газировкалы эчемлеккә тәмен бирергә мөмкин.

Ә пыяла - инерт материал, ул үз тәмен дә бирми, тәмне дә үз эченә алмый. Моннан тыш пыяла эчемлекнең температурасын озаграк саклый.