Рамазан аенда ураза тотмаучы туганнарга, кунакларга өстәл әзерләргә ярыймы?

Рамазан аена кагылышлы сорауга Татарстан мөфтиенең шәригать мәсьәләләре буенча киңәшчесе Булат хәзрәт Мөбәрәков җавап бирде.
Ерактан килгән кешеләргә - мосафирларга ураза тоту фарыз түгел. Әмма ураза тотмаучы кунакларны кунакка чакырмаска тырышырга кирәк. 

Әгәр дә инде киләләр икән, аларны ашату гөнаһ булмый. Ләкин аларга әйтергә кирәк -без ураза тотабыз, без - мөселманнар, ураза тотарга тиешбез. Менә шундый дәгъват кылырга, ягъни ураза кылу, уразаның фарызлары турында сөйләргә кирәк.