Артык интекмичә генә ябыга торган туклану режимы нинди?

Калифорния университеты галимнәре көнне икегә бүләргә тәкъдим итә.

РИА Новости язуынча, көннең 10 сәгатендә тукланып, калгын 14ендә ач торсаң, артык авырлыктан котылырга мөмкин.

Тикшерүдә 19 кеше катнашкан - 13 ир һәм 6 хатын-кыз. Алар барысы да симерүдән интеккән. Симерүнең сәбәбе - тиз әзерләнә торган ризыклар куллану.

Галимнәр аларга көннең ун сәгатендә теләгәнчә ашарга, әмма ашаган ризыклары хакында язып барырга кушкан. Тәүлекнең 14 сәгатендә исә ашарга ярамаган. 12 атнадан соң холестерин күләме 11 процентка кимегән, кан басымы нормальләшкән, уртача 3 кг авырлыкларын югалтканнар.