Көндез йоклауның нинди куркынычы бар?
Төнлә һәм көндез озак йоклау инсульт куркынычын арттыра.
Кытай галимнәре көндез йоклауның начар йогынтысы турында кисәтә. Бу турыда «Известия» яза.
Көндез сәгать ярымнан артыграк, төнлә тугыз сәгатьтән артык йоклау сәламәтлеккә зыянлы булырга мөмкин.
Экспериментта 30 мең кеше катнашкан. Алар уртача 62 яшьтә булган. Көндез йоклап алырга яратучы, төнлә озак йоклаучы кешеләрдә инсульт булу куркынычы 85 процентка арткан.
Көндез 90 минуттан артык йоклап алучылар инсульт белән 25 процентка ешрак очраша.
Төнге йокының сыйфаты да әһәмияткә ия. Тыныч йокламаучыларда инсульт булу куркынычы 29 процентка арта, диелә.