Кер юу машинасы эшләгәндә ваннада юынырга ярамый
Эшләп торган кер юу машинасына сөялмәү хәерле.
![Кер юу машинасы эшләгәндә ваннада юынырга ярамый](https://intertat.tatar/resize/shd/images/uploads/news/2021/2/3/11d91f835b46fbb4c72e5236c37bc6881c374bd181f609abf960b0daa09d.jpg)
Hi-Tech Mail.ru белгечләре электр приборларын ванна бүлмәсендә куллану турында киңәшләр бирә.
Кер юа торган машина һәм башка электр приборлары эшләгәндә ванна керү кеше өчен куркыныч. Бу вакытта ток сугу ихтималы зур була. Әгәр кеше машина өстендә торган шампуньга юеш куллары белән сузылса, аны ток сугарга мөмкин. Ул машинаның үткәргече яки корпусы ватык булуын ток суккач кына аңлавы ихтимал.
Ванна кергәндә машинаны эшләтми тору, эшләп торган машинага сөялмәү хәерле.
Ваннада ятканда смартфон кулланучылар бик сак булырга тиеш. Смартфон розеткага тоташтырылмаган булса да, аңа дым кереп, җайланманың ватылуы ихтимал. Ә розеткага тоташтырылган телефон аша кешене ток сугуы мөмкин, диелә хәбәрдә.