Кайсы профессия вәкилләренең хезмәт хакы тиз арта?

Кайсы профессия вәкилләренең хезмәт хакы тиз арта?
Росстат 2018 елга нәтиҗә ясап, икътисадның кайсы өлкәләрендә хезмәт хакы тиз үсә икәнен ачыклаган, дип яза "Известия".

Сәламәтлек саклау һәм социаль хезмәтләр күрсәтү өлкәләрендә эшләүчеләрнең керемнәре тиз арта икәнлеге ачыкланган.

Сәламәтлек саклау өлкәсендә эшләүчеләрнең хезмәт хакы бер елда 23 процентка арткан. Аларның бер сәгатьлек хезмәте 260 сум бәяләнә. Димәк, табибларның уртача хезмәт хакы 43 мең сум.

2017 елдагы кебек үк, иң кыйммәтле белгечләр нефть һәм газ табу өлкәсе хезмәткәрләре. Аларның бер сәгатьлек эше 793 сум тора, бер айга 130 мең сум дигән сүз.