Май белән кер юу сере
Пычрак тастымалларны майлы суга салып, берничә сәгать җебетергә кирәк.
Кухня тастымалларын үсемлек мае белән юып чистартып була икән. Май салгач, тастымалда каткан иске майлар эреп китә. Бу турыда киңәшләр сайтында язылган.
15 литр кайнап торган суга 3 аш кашыгы үсемлек мае, 1 стакан теләсә нинди кер юу порошогы, 2 аш кашыгы коры агарткыч салып, болгатыгыз. Тастымалларны шунда салыгыз. Керләрне төнгә җебетергә калдырып торыгыз. Эремә озаграк җылы торса, яхшырак. Шуңа күрә капкачын каплагыз, чиләкне җәймә белән төреп куйсагыз да була.
Иртән керләрне кер юу машинасына салып юыгыз.
Коры агарткыч урынына аш содасы кушарга була, диелә хәбәрдә.