Борынга сала торган даруларның нинди зыяны бар?
Кан тамырларын тарайта торган тамчыны озак салгач, борынның лайлалы тышчасы эчкә таба үсә башлый.
Оториноларинголог һәм медицина фәннәре кандидаты Георгий Шадрин борынга дарулар салуның куркынычы турында әйткән. Бу хакта ул «Говорит Москва» радиосында сөйләгән.
Кан тамырларын тарайта торган тамчыларны белер-белмәс килеш кулланырга ярамый.
«Нәтиҗәдә борынның лайлалы тышчасы үзгәрә, ул борын раковиналарына таба үсә башлый. Шуннан соң бу үсенте үзеннән-үзе бетми инде», — ди табиб.
Шадрин искәрткәнчә, популяр даруларны бары тик табиб күрсәтмәсе буенча гына кулланырга була. Шулай ук бу тамчыларны җиде көннән озаграк борынга салырга ярамый, диелә бу хәбәрдә.