Барлык язмалар news_header_top_970_100
news_header_bot_970_100
Язманы тыңлагыз

Чәчүлек суганны кайчан утыртырга?

Гадәттә, чәчүлек суганны май бәйрәмнәрендә утырталар

news_top_970_100
Чәчүлек суганны кайчан утыртырга?
Салават Камалетдинов

Быел һава торышы яхшы булу сәбәпле, кайбер үсемлекләрне утырту вакыты күчә. Бу турыда «Челнинские известия» хәбәр итте.

Суганны утырту өчен тәүлек әйләнәсенә һава температурасы 8 градустан төшмәскә тиеш. Әгәр кырау төшәсе булса, суганны утыртмый тору хәерле. Кырау тигән суган озак тишеләчәк һәм ук җибәрәчәк. 

Суганны лалә һәм нәркисләр чәчәк аткач утырталар. 

Күлдә бакалар бакылдый башлагач, суган утыртыр вакыт җиткән дигән сүз.

Шомырт агачында беренче яфраклар барлыкка килү белән чәчәк атканга кадәрге вакытта утырткан суган яхшы була.

Суган зур һәм сусыл булсын өчен, чәчүлек суганны якты урынга утыртырга кирәк. Помидор, борыч, бәрәңге, кыяр үскән урынга утыртсаң, суган яхшы була. Борчак һәм сарымсак урынына суган утыртмау хәерле.

Утыртыр алдыннан чәчүлекне марганцовкага салып чылатып алыгыз. Туфракка тыкканчы, суганның өске койрыгын кисеп алыгыз, шулай иткәндә ул тизрәк тишелә. 

Суган уңдырышлы һәм җиңел туфракта яхшы үсә.

Чәчүлек суганны рәтләр буйлап утырталар, буразналар арасы 40 см чамасы булсын. Ике суган арасы 7 см, суганның койрыгы туфрактан 2 мм чамасы чыгып торырлык итеп утыртыгыз.

10-12 көннән суган тишелеп чыга. Аңа су сибеп торырга кирәк, суганнар гел дымлы булсын. Өстә кабык барлыкка килмәсен өчен, туфракны йомшартып торыгыз.

Комментарийлар (0)
Калган символлар:
news_right_column_1_240_400
news_right_column_2_240_400
news_right_column_3_240_400
news_bot_970_100