Суыткыч ни сәбәпле тавышлы итеп эшли башлый?
Суыткыч гүли башласа, аның урыны дөресме икәнен тикшерегез.
Суыткыч тавышланып эшли башласа, аның сәбәбен эзләп табарга кирәк. Бу турыда киңәшләр сайтында язылган.
Суыткычны стенага, башка предметларга бик якын урнаштырсаң, ул тавышланып эшли башлый. Радиатордан чыккан җылылык таралу өчен урын булмый һәм суыткычның компрессорына йөкләмә арта.
Суыткычны стенадан 20 см чамасы алгарак тартыгыз. Шул очракта суыну процессы тизрәк бара һәм компрессор тавышы кими.
Суыткыч дөрес урнаштырылмаса да, гүләү тавышы чыга. Аны дөрес һәм тигез итеп урнаштырыгыз.
Суыткычның прокладкаларын һәм күчергәндә урнаштырыла торган болтларын тикшерегез. Прокладкасы брак булса, техника тавышлы эшли. Күчергәндә кулланыла торган болтларны алырга онытсалар да, суыткыч тавышлана.
Вентиляторының мае бетеп кипсә дә, суыткыч тавышлы итеп эшли башлый. Туңдыргычын эретми торган («NoFrost») суыткычларда гадәттә шушы проблема була, диелә хәбәрдә.