Ни өчен бәрхет гөл чәчәкләрен ноябрьдә утырталар?
Алар язын сезон башланганчы ук шытып чыга һәм көчле тамыр системасы формалаша.
Бәрхет гөл (бархатцы) чәчәкләрен ноябрь азагына кадәр бакчага утыртып була. Кыш бик салкын булмаса, орлыклар кыш чыга һәм җылынуга ук үсә башлый. Бу турыда киңәшләр сайтында язылган.
Кайсыбер бакчачылар аны кыш салкын булган төбәкләрдә дә кышка утыртып калдырып үстерә.
Бәрхет гөлне кышка утыртып калдыру туфракка да файдалы. Киләсе сезонда башка үсемлекләр төрле авырулардан да интекмәс. Аның исенә корткычлар да килмәс.
Шуңа күрә бәрхет гөлне көзен утырту файдалырак, алар язын сезон башланганчы ук шытып чыга һәм көчле тамыр системасы формалаша. Нәтиҗәдә сәламәт, корылыкка чыдам чәчәкләр була. Рассада утыртып интегәсе дә булмый.
Көзен утырткан бәрхет гөл түтәленә мульча салып калдыру хәерле. Язын аны алып атырга кирәк була, диелә хәбәрдә.