Баланның файдасы нидә?
«Балакаем, балан ачы, ашама берүк өзеп», - дип җырласалар да, җырчыларны тыңларга ашыкмыйк әле...
![Баланның файдасы нидә?](https://intertat.tatar/resize/shd/images/uploads/news/2020/9/27/fd6823b3d27545963f18520d4c3b5251fa8e9600cb90d737183165248a41.jpg)
Баланның җимешләрендә А һәм С витаминнары бар, андагы матдәләр эчәклекне зарарлы матдәләрдән чистартырга булыша, микробларны юк итә.
Белгечләр балан җимешләрендә фосфор, магний, калий, тимер, марганец, бакыр массалары булуын билгели. Яфракларында һәм җимешләрендә серкә, валериан, олеин һәм кырмыска кислотасы да җитәрлек, дип хәбәр итә Healfolk.ru сайты.
Бай витаминлы һәм минераль состав көч кимүен профилактикалау һәм дәвалау өчен аеруча яхшы икән.
Беренче кыраулардан соң җыелган балан аеруча файдалы, дип җиткерә белгечләр.
Баланның җимешләре генә түгел, чәчәкләре, орлыклары, ботаклары, кабыгы да файдалы үзлекләргә ия. Аны шуңа да йөрәк, кан тамырлары, сулыш һәм ашкайнату системасы авыруларын дәвалаганда уңышлы кулланалар. Балан белән нервлар бозылу, салкын тиюне дәвалыйлар, алар ялкынсынган очракта ярдәм итә икән.
«Балакаем, балан ачы, ашама берүк өзеп», - дип җырласалар да, җырчыларны тыңларга ашыкмыйк, сәламәт булсак, ачысына гына түзәрбез лә…