Ростов өлкәсенең Каменск-Шахтинск шәһәрендә пычак тоткан ир-ат балалар бакчасына үтеп керә һәм кече төркемдәге нәниләрне тоткын итеп алу белән яный. Бу хакта җирле массакүләм мәгълүмат чаралары һәм социаль челтәрләр хәбәр итә, дип яза «Рен ТВ».
Җинаятьче койма аркылы сикереп керә, тыныч кына бинага үтә һәм иң кечкенәләр төркеменә алып бара торган ишеккә барып җитә. Бәхеткә, ул аны ача алмый.
Ул балаларны тоткын итеп алу белән яный һәм алмашка акча таләп итә. Теләгәненә ирешә алмаячагын аңлагач, учреждениедән качарга омтыла, ләкин тоткарлана.
Полицияне җинаятьчене күреп калган җирле хатын-кыз чакыртып өлгерә. Аңа карата җинаять эше кузгатылган.