«Пятница» каналы ни өчен «Орел и решка» тапшыруын күрсәтүдән туктый?
Хәзерге вәзгыятьтә бу тапшыруны әзерләү мөмкин түгел, дип яза каналның матбугат хезмәте.
РИА Новости хәбәр итүенчә, «Пятница» каналы Украинаның TeenSpirit ширкәте белән хезмәттәшлекне туктаткан. Бу ширкәт канал өчен «Орел и решка» тапшыруын әзерләгән.
«Хәзерге вәзгыятьтә проектны алга таба әзерләү мөмкин түгел», — дип хәбәр итә «Пятница» каналы матбугат хезмәте.
«Пятница» 2013 елдан бирле чыга, күңел ачу тапшыруларының бер өлешен Украина ширкәтләре әзерли. Телеканалдагы иң югары рейтинглы тапшыруларның берсе — «Орел и Решка» ны TeenSpirit ширкәте әзерли.
Моңа кадәр «Орел и Решка» тапшыруының продюсеры, Украинада яшәүче Марина Гранкинаның Инстаграмда хезмәттәшлектән зарлануы хакында хәбәр чыккан иде. Ул коронавирус һәм күрше илдәге вәзгыятьтән зарлана һәм «беренчесе икенчесен үтерсен иде», дип яза.