Россия президенты Владимир Путин Петербургтагы икътисади форумда чыгыш ясый. Аның чыгышыннан кайбер сөземтәләр:
- Былтырның икенче кварталы икътисад өчен иң кыены булган. Әмма дәүләт стратегиясе уңышлы булган, җитештерү 3,3 процентка арткан.
- Без җаваплы кредит сәясәтен саклап калдык.
- Россиядә инфляция башка илләргә караганда азрак һәм тарихи минимум тирәсендә. Инфляция – 2,9%, эшсезлек – 3,3%. Беркайчан да Россиянең яңа заман тарихында алай түбән булганы юк иде.
- Россия оборона өчен чыгымнарны арттырырга тиеш.
- Россиянең финанс мөмкинлекләре хәерчелекне, тигезсезлекне бетерү курсын дәвам итәргә мөмкинлек бирә. 2022 елда 1,7 млн кеше хәерчелек чигеннән чыкты.
- Санкцияләр аркасында ябык, идарә ителә торган икътисадка кайтырсыз, дип юраганнар иде, без башка юл сайладык.
- Халыкның табышы арта башлады.
- 2030 елга кадәр 100-500 кешелек авылларны сыйфатлы Интернет белән тәэмин итәргә кирәк.
- Без алга таба да юллар төзиячәкбез, аеруча Көньяк – Төньяк юнәлешкә.
- Якындагы 5 елда Россия сәүдә флотын яңарта. 2028 елга кадәр 260 кораб төзеләчәк.
- Былтыр кунакханәләр салу өчен 4,2 млрд бирелгән иде, быел 11 млрд бирелә.
- Былтыр сәүдә экспорты рекорд куйды – $592 млрд.
- 1,5 яшькә кадәр пособие, анасы эшли башлауга карамастан, сакланырга тиеш.
- 1 гыйнвардан минималь хезмәт хакы 18,5%ка арта.
- Дөньдагы үзгәрешләр кардиналь һәм кире кайтарып булмаслык.
- Россия бәяләр сикерүен булдыра алмый калды.
- Россия «нефть энәсеннән» котыла алды.
- Инвалид балаларны караучыларга һәм шул ук вактта эшләүчеләргә пособие түләргә кирәк. Законнарга «өлешчә эшләү» төшенчәсен кертергә кирәк.
- Бизнес кешегә зыян китерү белән бәйле булмаса, аны тикшерергә кирәкми.
- Украина һөҗүм иткән бер генә юнәлештә дә максатына ирешә алмады, аларның югалтулары безнекенә караганда 10 тапкыр күбрәк.
- Минем дусларым арасында яһүдиләр күп, алар әйтүенчә, Зеленский яһүди түгел, ул – яһүд халкының хурлыгы.
- Зеленский бу гарипләрне – неонацистларны яклый.
- Бандеровчылар белән ничек көрәшмәскә? Украинаны денацификацияләү – иң әһәмиятле бурычларның берсе.
- Украинада мактау мөнбәренә нацистлар, Гитлерны дәва итүчеләр күтәрелгән.
- Контрһөҗүм вакытында ВСУ 186 танк һәм 418 бронемашина югалткан. Украинада «Леопард» танклары яна, «Ф-16» самолетлары да яначак.
- Без хәрби көчләрне кулланырга һәм ЛДНРны танырга, Россия составына алырга мәҗбүр булдык.
- Россиядә пилотсыз очкычларга бәйле проектларны массакүләм кертергә кирәк.
- Россиянең икътисады югары хезмәт хаклы икътисад булырга тиеш.
- 2014 елда Көнбатыш илләре ярдәмендә Украина режмы сугыш башлады, бу хакта Көнбатышта әйтмиләр.
- Озакламый Украинаның техникасы калмаячак, алар кулланганы – читтән кергән, алай озак сугыша алмыйсың.
- Минск килешүләрен төзегәндә, без түгел, безне алдадылар.
- Белгород һәм Кремльгә атака – Россияне җитди җавап бирергә котырту.