Россия президенты шимбә һәм якшәмбе булган фетнә омтылышына бәйле чыгыш ясады.
- Теләсә нинди шантаж тормышка ашмый.
- Фетнә барыбер бастырылачак иде.
- Фетнәчеләр дәүләтне һәм халыкны сатты, алар үз кешеләрен дә сатты.
- Фетнәчеләрнең юлына аркылы баскан, хәрби антына тугры калган хәрбиләргә, хокук саклау органнарына рәхмәтемне белдерәм.
- Конституцион тәртипне иҗтимагый оешмалар, партияләр, дини оешмалар саклап калды. Барысы да җәмгыятьнең язмышы өчен берләште.
- Һәлак булган очучылар Россияне саклап калдылар.
- «Вагнер»ның күпчелек сугышчылары – патриотлар, алар үзләренең батырлыгын сугыш кырында исбатлады. Аларны үзләренә әйтмичә генә файдаланырга теләделәр.
- Иң баштан ук зур канкоешка китерми торган адымнар эшләнелде. Хата ясаучыларга хаталарын төзәтергә мөмкинлек биреләчәк.
- Фетнәне оештыручылар аларны алдаган, үлемгә, иптәшләренә ут ачуга төртеп керткән. Нәкъ менә шундый нәтиҗәне – бер-береңне үтерүне – Россия дошманнары теләде. Киевтагы неонацистлар һәм аларның Көнбатыштагы хуҗалары Россия солдатлары бер-берсен үтерүне, Россиянең җиңелүен, канга батуын теләгән иде.
- Дөрес карар кабул иткән һәм соңгы чиктә туктап калган «Вагнер» хәрбиләренә рәхмәтемне белдерәм.
- Беларусь президентына, фетнәне бастыруда ярдәме өчен, рәхмәт.
- «Вагнер» хәрбиләренә Оборона министрлыгы белән килешү төзергә, өйләренә кайтырга яки Беларуська китәргә мөмкинлек тудырыла. Президентның алдарак бирелгән вәгъдәсе саклана.