Россия президенты Владимир Путин ВГТРК журналисты Павел Зарубинга интервьюсында Украина контрһөҗүменең барып чыкмавы һәм Киевның яңа операцияләр әзерләве турында әйтте.
«Батып яткан» контрһөҗүмгә килгәндә – ул тулысынча барып чыкмады. Без кайбер урыннарда каршы якның һөҗүм әзерләвен беләбез. Без моны күрәбез, беләбез. Һәм тиешенчә нәтиҗә ясыйбыз. Хәзерге вакытта гаскәрләр чиктәш булган урында булган хәлләр «актив оборона» дип атала. Безнең гаскәрләр үзләре өчен вазгыятьне уңайлаталар. Бу – Купянск, Запорожье, Авдеевск юнәлешләренә дә карый», – ди Путин.
Президент Оборона министрлыгы җитәкчелегенә һәм алгы сызыкта булган хәрбиләргә батырлык өчен рәхмәт белдергән.
Украина гаскәрләре июнь башында контрһөҗүмгә күчте. Украина ягы 25 августта Россия хәрбиләре оборонасының беренче линиясенә барып җитүен әйтте. 4 сентябрьдә Оборона министры Сергей Шоугы Украина контрһөҗүменең барып чыкмавын белдерде.
