20 майда Украина президенты Владимир Зеленскийның срогы төгәлләнде. Хәрби хәл булу аркасында, анда президент сайлау үткәрелмәде. Шул уңайдан, Владимир Путин белдерү белән чыкты: ул Украинада легитим хакимият дип Югары Рада һәм аның спикерын гына таный. Бу хакта РИА Новости яза.
Путинның башка фикерләре:
- Әгәр Украинада хәрби хәл вакытында сайлаулар уздырылмаса, бу – президент срогы озайтыла дигәнне аңлатмый.
- Миңа җиткереп торуларына караганда, Украина Конституциясе Рада вәкаләтләрен озайтуны гына күздә тота, ә Украина президенты вәкаләтләрен озайту турында бернәрсә дә әйтелмәгән;
- Украина дәүләтчелеге президент республикасы идеясенә түгел, ә парламент республикасы идеясенә нигезләнгән;
- Президент сайлауларын уздырырга теләгән булсалар, хәрби хәл турындагы законны бетерергә кирәк иде – шул гына. Тик моны эшләргә теләмәделәр;
- Украинаның бүгенге «хуҗалары» халыкта популяр булмаган барлык карарларны, шул исәптән чакырылыш яшен киметү карарын хәзерге хакимияткә йөкләп калдырудан гыйбарәттер, мөгаен;
- Хакимиятнең легитимлыгы турындагы сорауга ахыргы җавапны Украинаның сәяси һәм хокукый системасы бирергә тиеш;
- Даими эскалация җитди нәтиҗәләргә китерәчәк;
- Россия үз территориясенә һөҗүм итү турындагы хәбәрләрне игътибар белән күзәтә;
- Әгәр Украина һөҗүм ясаса, без иминлек зонасы булдырырга мәҗбүр булачакбыз, дип, ярты ел элек үк әйттем;
- Украина Кораллы Көчләре еракка һөҗүм итә торган корал кулланган очракта, Россиягә кабат санитар зона турында карар кабул итәргә туры киләчәк;
- Путин Көнбатыш провокацияләре аркасында глобаль конфликт куркынычы турында кисәтте;
- Украинада хезмәтчеләр бар, без бу хакта яхшы беләбез;
- Әгәр Европа илләре Украинага поляклар белән бергә керсә, калганнар китәчәк, ә поляклар беркайчан да китми.
- Әгәр Украина хакимиятләре милли мәнфәгатьләргә таянса, Россия аның белән күптән чишелеш табар иде;
- Ә югары төгәллекле коралга кем хезмәт күрсәтә? Ялчы булган инструкторлар, һәм алар югалтуларга дучар була;
- Украина территориясендә кем булуга карамастан, без ничек кирәк дип саныйбыз, барыбер шулай эшләячәкбез;
- Россиянең Украина буенча ниндидер конференцияләргә катнашуы турында сорауга җавап юк, чөнки нәрсә турында сүз барганы аңлашылмый;
- Украина яу кырында вазгыятьне тамырдан үзгәртә алмаячак һәм омтылышлар күбрәк булган саен, югалтулары да күбрәк булачак;
- Россия Украина буенча сөйләшү процессын алга таба да дәвам итәргә әзер, әмма аңа нәрсә тәкъдим итәчәкләре билгесез;
- Чынлыкта исә, Көнбатыш Россия белән сөйләшергә теләми;
- Украина фаҗигасе сәбәбе – Украина хакимиятенең ВСУ солдатларын үз кешеләре дип санамау.