Путин Раштуаны кайда каршылый?

Россия Президенты Владимир Путин Раштуа бәйрәменә Петербургка барырга җыена. Бу турыда «Невские новости» басмасы хәбәр итте.

Владимир Путин Петербургтагы храмнарның берсендә бәйрәм литургиясендә катнашачак. Бу Казан соборы булуы ихтимал, диелгән әлеге хәбәрдә. Төп бәйрәм литургиясе Казан соборында була. Ул төнге унбердә башлана.

2018 елда Владимир Путин Раштуа бәйрәмендә Петербургта булган иде. Ул вакытта Президент Симеон Богоприимец һәм Анна Пророчица чиркәвендә бәйрәм литургиясендә катнашты.