Россиядәге педагогларга ташламалы ипотека кредиты бирелергә мөмкин. Россия Президенты Владимир Путин хакимияткә әлеге мәсьәләне карарга йөкләмә бирде. Бу хакта URA.RU сайты яза.
«Урта һөнәри белем бирү оешмаларында эшләгән педагогларга, «Профессионалитет» федераль проекты кысаларында, ташламалы ипотека кредитлары бирү мәсьәләсен карарга», – диелә карарда.
Боерык Кремль сайтында чыккан. Доклад 1 октябрьгә кадәр тәкъдим ителергә тиеш.
Хәзер Россиядә ташламалы ипотеканың берничә төре бар. Алар арасында – гаилә ипотекасы, авыл ипотекасы, хәрби ипотека һәм ана капиталы ипотекасы бар.