Путин – Миңнехановка: Бу бәйрәм дәүләтебезне ныгыткан халкыбызның батырлыгына багышлана
Россия Президенты Владимир Путин Татарстан Рәисе Рөстәм Миңнехановка Халыклар бердәмлеге көне уңаеннан котлау юллады. Бу хакта «Татар-информ» яза.
«Бу бәйрәм ил өчен авыр сәгатьтә йөрәге кушуы буенча туган җирен саклауга күтәрелгән, рәхимсез дошманны җиңгән һәм дәүләтебезне ныгыткан халкыбызның бөек батырлыгына багышлана», – дип белдергән үзенең котлавында Россия лидеры.
«Ата-бабаларыбызның хәрби һәм хезмәт казанышлары, аларның бердәмлеге һәм Ватанга карата ихлас мәхәббәте, патриотик, рухи идеалларга тугрылыгы безнең өчен һәм киләчәк буыннар өчен лаеклы үрнәк булып тора», – дип белдерә дәүләт башлыгы.
Россия Президенты Татарстан Рәисенә «уңышлар, нык сәламәтлек» теләгән.