Бүген Россия президенты Владимир Путинның туры элемтәсе бара. Президент чыгышының башлангыч өлешеннән берникадәр мәгълүмат.
Икътисад темасына:
– Россиядә хезмәт хакы 8 %ка, халыкның кереме 5 %ка артты.
– Минималь хезмәт хакы киләсе елда 18 %ка артачак.
– Росссия икътисады 3,5 %ка артачак.
– Инфляция 7,5 %ка артты.
– Эшсезлек 2,9 %, андый түбән күрсәткечнең Россия тарихында булганы юк иде.
– Россиянең бурычы кими – $46 млрд булса, хәзер $32 млрд.
Украина темасына:
– Без максатыбызга ирешкәч, тынычлык булачак. Россиянең Украинаны денацификацияләү һәм демилитаризацияләү бурычлары үзгәрми.
– Украинага Көнбатыш нәрсә вәгъдә итсә, шуны бирде. Әмма без барысын да юкка чыгардык.
– Россия Украина контрһөҗүме башланганнан бирле 747 танк һәм 2,3 мең бронемашинаны юк итте.
– Мобилизациянең беренче дулкынында 300 мең кеше чакырылды. 244 меңе – сугыш барган урыннарда.
– 300 мең мобилизацияләнгәннең 14е Россия Герое булды.
– Мобилизацияләнгәннәрдән көлделәр, аларны «мобик» дип атадылар, ә алар бер дигән итеп сугыша.
– 486 мең кеше үз иреге белән килде, корал тотып Ватанын сакларга теләүчеләр кимеми. Көн саен 1500 контракт төзелә.
– Яңа мобилизация уздыруның кирәге юк.