Югары категорияле табиб-психотерапевт Александр Федорович «Радио 1» белән әңгәмәсендә хроник авырулар һәм инфекцияләр кешенең психологик халәтен начарайтырга мөмкин булуын әйткән.
«Әгәр фронтит, гайморит һәм берничә черек теш булса, аларның организмда булуы депрессив кичерешләргә китерергә мөмкин», – дип билгеләп үтте белгеч.
Табиб сүзләренчә, хроник ялкынсынулар еш кына игътибардан читтә кала, чөнки кешеләр симптомнарның ачык беленмәвенә әһәмият бирми. Ә нәкъ менә шундый симптомнар депрессив халәт булдырырга мөмкин.
«Психик һәм соматик халәтләр арасындагы бәйләнеш ике яклы. Бер яктан, депрессия еш кына тән авырулары белән бергә була, һәм психиатрлар аларны игътибардан читтә калдырырга мөмкин. Икенче яктан, соматик зарланулар артында еш кына чын психик тайпылышлар яшеренеп тора», – дип сөйләде Федорович.
Белгеч фикеренчә, табиб өчен иң мөһиме – кешенең гәүдә үзенчәлекләрен, психикасын һәм алар арасындагы яшерен бәйләнешләрне исәпкә алып, хәлне тулысынча күрә белү.