Психологлар күмәкләп сугышкан

Мәскәү шәһәренең көнбатышында психолог булырга белем алучы студентлар күмәкләп сугышкан. Бу турыда «Российская газета» хәбәр итте.

Газетаның Эчке эшләр министрлыгындагы чыганагы сөйләгәнчә, вакыйга Бобруйский урамында була. Кичке дүртләр тирәсендә дүрт студент егеткә узып баручы ир-атлар бәйләнә башлый. Шулай итеп сугышу килеп чыга.

Студентларга һөҗүм итүчеләрнең берсе коралдан ата башлый. Бу травматик пистолет булуы ихтимал, диелгән әлеге хәбәрдә.

Сугышу китереп чыгарган ир-атлар качып киткән. Дүрт студент та имгәнгән. Аларны хастаханәгә китергәннәр.

Студентларга аткан кешеләрне полиция эзли. «Хулиганлык» маддәсе буенча җинаять эше ачылган.