Психик авырулар хастаханәсеннән качкан ир-атны эзлиләр
Психоневрология интернатыннан качкан 57 яшьлек Радик М. ны федераль күләмдә эзлиләр.
Башкортстанда Ишембай психоневрология интернатыннан качкан 57 яшьлек Радик М. ны федераль күләмдә эзлиләр. Бу турыда «Башинформ» хәбәр итте.
«Бу кеше куркыныч түгел. Ул Төрекмәнстанда туган. Уйлап табучы. Аның сок ясауга патенты да бар», — дип аңлаткан рәсми вәкил. Ул узган ел көзендә югалган булган.
Бу кеше турында мәгълүматы булганнарга полициягә «02» номерына шалтыратырга сорыйлар.
Радик М. буе уртача (170–175 см), кара мыеклы, күзлек кия. Әйләнә-тирәдәгеләр өчен куркыныч түгел.