Приморье губернаторы мәктәп төзелешен карарга килгәч, исерек каравылчыга тап булган
Социаль челтәрләрдә кызыклы да, кызганыч та видео таралды.
Россиядәге хәлләрне бөтен ачысы белән тасвирлаган хәл Приморье краенда булды.
Приморье крае губернаторы Олег Кожемяко Волчанец бистәсендәге мәктәп төзелешенә алдан кисәтмичә килгән. Аны бик "җылы" каршы алганнар. Исерек каравылчы губернаторны кертер өчен капканы ача һәм капка өстенә ава да. Аннары ул губернаторга бөтен төзүчеләр дә эш урынында икәнен әйтә. Чынлыкта губернатор төзелеш мәйданчыгында бер төзүчене дә күрми.
Губернатор төзелеш алып бара торган оешманы алыштырачагын әйткән. Каравылчыны да эшеннән куганнар.