Аш-су блогеры Илүзә Хөснетдинова әнисенең прәннек рецепты белән уртаклаша.
Ингредиентлар: 0,5 литр катык, 1 бал кашыгы сода, 3 йомырка сарысы, 1,5 чәшке стакан шикәр комы, 3 аш кашыгы үсемлек мае, 0,5 бал кашыгы тоз, 7 стакан чамасы он.
Сироп өчен: 1 стакан шикәр комы, 3 йомырка агы кирәк. Аны миксер белән күпертәбез, артык куе булырга тиеш түгел.
Камыр өчен барлык ингредиентларны бергә салып болгатырга. Прәннек формасына китереп ясарга. Аннары 180 градуска кадәр кызган духовкага 20-25 минут пешерергә.
Прәннек пешеп чыккач та, йомырка агыннан ясалган массага салып болгатырга һәм берәмләп тезеп куярга.
Чәйләрегез тәмле булсын!