24 октябрьдә Россия актеры һәм каскадер Станислав Потапов вафат булган. Бу турыда РЕН ТВ хәбәр итте.
Аның үлеменең сәбәбе хәбәр ителми.
Станислав Потапов тамашачыларга «Next», «Классные мужики» һәм «Последний герой» сериаллары аша таныш иде. «Синдром Феникс», «Пестрые сумерки», «Хиромант», «Медное солнце» һәм башка проектларда ул каскадер булган.
Соңгы эше – Беренче каналда әле шушы көннәрдә генә күрсәтелгән «Бизон: Дело манекенщицы», анда төп рольне Сергей Безруков башкара.
