«Реальные пацаны» сериалының тавыш режиссеры Валентин Ушаков махсус хәрби операция зонасында һәлак булган. Бу турыда «Газета.ру» яза.
Ушаков үз теләге белән хәрби хезмәткә 2023 елның сентябрендә генә киткән булган. Якыннары аны бармаска үгетләп караса да, ул аларны тыңламаган.
Ушаковның аяклары беспилотник ташлаган гранатадан каты яраланган. Аннары аны санитарлар тартып чыгармакчы булган. Аларның барысына да тагын бер тапкыр һөҗүм ясала, ул урында беркем дә исән калмый.
Федераль каналларда күрсәтелгән сериалларның тавыш режиссеры Валентин Ушаковны туган авылы – Мари Эл Республикасының Кужмара авылында11 ноябрьдә җирләгәннәр. Аның 14 яшьлек улы калган.
«Реальные пацаны» сериалының соңгы эпизодын Валентин Ушаковка багышлаганнар, анда геройлар госпитальгә яраланган хәрбиләр янына бара. Ушаков «Папины дочки» сериалы, «Вива, Кастро!» һәм «Кука» фильмнарын да төшергән булган.