Помидор үсентеләре нык булсын өчен, тәҗрибәле бакчачылар йод һәм водород перекисе куллана. Бу турыда «Челнинские известия» хәбәр итте.
Эремә ясау өчен ике литр суга ике-өч аш кашыгы водород перекисе салырга кирәк. Катнашманы яхшылап болгатыгыз. Әлеге эремәне помидор үсентеләре төбенә генә сибәргә кирәк. Водород перекисе үсентеләргә ашламаны яхшырак үзләштерергә ярдәм итә, иммунитетын ныгыта һәм үсүен яхшырта.
Йод белән эремә ясау өчен, өч литр суга унбиш тамчы чамасы йод салырга кирәк. Йодлы эремәне бераз үскән үсентеләргә, туфракка чыгарып утыртыр алдыннан бер тапкыр сибәргә кирәк. Мондый ашлама авырулар булдырмаска ярдәм итә, диелә хәбәрдә.