Помидор кабыгын җиңел генә чистарту ысулы — кайнар су кирәкми
Микродулкынлы мич яки яшелчә угыч ярдәмендә помидор кабыгын чистартып була.
Ашарга пешергәндә, еш кына помидорның кабыгын чистартырга кирәк була. Моның җиңел ысулы киңәшләр сайтында чыкты.
Гадәттә, помидор кабыгын кайнар су ярдәмендә чистарталар. Помидор кабыгында берничә кисем ясап, кайнар суга тыгып аласың да кабыкны куптарасың. Тик бу вакытта су кайный, пешеп китүең дә бар.
Моның җиңелрәк ысулы да билгеле. Микродулкынлы мич яки яшелчә угыч ярдәм итәр. Помидор кабыгын кисеп җибәрегез дә, микродулкынлы мичкә 700 Вт булганда 30 секундка куеп алыгыз. Кабык үзе кубып төшәр.
Томат согы ясаганда гадәти угыч файдаланыгыз. Помидорны ике кисәккә бүлегез дә, угыч аша уыгыз, диелә хәбәрдә.