Поезд 17 яшьлек егетне бәрдереп үтергән мизгел видеокамерага эләккән

Саратовтан Ташкентка барган поезд Үзбәкстанның Нукус шәһәре янында 17 яшьлек егетне бәрдереп үтергән. Бу хакта "Эхо Узбекистана" телеграм-каналында хәбәр ителә.

Машинист шпаллардан атлап барган кешене күрүгә поездны туктатырга тырыша башлый, тавыш сигналлары бирә. 

Әмма егет бернигә дә игътибар итмичә, рельслар уртасыннан баруын дәвам итә һәм поезд аны бәрдерә. Ул шунда ук үлә дип хәбәр итә телеграм канал.

Машинист егетне бәрдергәннән соң догалар укый. Соңрак бу егетнең наушниклар киеп, тулы көченә музыка тыңлап барганы билгеле булган.