Һәр төр яшелчә һәм җиләк-җимеш үзенчәлекле саклау шартларын таләп итә. Мәсәлән, кишер һәм чөгендер кебек тамыразыклар түбән температура һәм югары дымлылыкка чыдам, ә менә помидор һәм авокадо салкынны яратмый, аларны бүлмә температурасында саклау яхшырак – шулай иткәндә, аларның тәме һәм текстурасы саклана. Бу турыда «АиФ» яза.
«Температура шпаргалкасы»
Кәбестә: 0…−1 °C, 90-95% дымлылык. Тамыры 2-3 см булсын, тышкы яфракларны калдырырга кирәк.
Кишер, чөгендер, пастернак: 0…+1 °C, 90-95% дымлылык, ком яки торф белән катламлап саклау яхшы.
Бәрәңге: +2…+4 °C, 85-90% дымлылык, караңгы урын кирәк.
Батат (татлы бәрәңге): +13…+16 °C һәм түбән дымлылыкта «ял иттереп» саклау.
Чәчәк суганчалары (гладиолус, лалә): коры, яхшы җилләнә торган урында, конденсат булмый торган шартларда сакланырга тиеш.
Алма: +0…+4 °C, 85-90% дымлылык. Картон тартмаларда яки агач әрҗәләрдә саклау мөмкин, һава керүе мөһим – черүдән саклый.
Груша: +0…+2 °C, 85-90% дымлылык, караңгы урында саклау яхшырак, чөнки алар саклаганда да өлгерүне дәвам итә.
Цитрус җимешләре (әфлисун, лимон, мандарин): +4…+10 °C, 70-75% дымлылык, челтәрле капчыкларда яки җилләнә торган әрҗәләрдә саклау уңайлы.
Помидор: +12…+20 °C, 65-70% дымлылык. Тәмен һәм йомшаклыгын саклау өчен суыткычта тотмау хәерле.
Болгар борычы: +7…+10 °C, 75-80% дымлылык, суыткычның яшелчәләр бүлегендә саклау киңәш ителә.
Кыяр: +7…+10 °C, 80-90% дымлылык. Яхшы вариант – кәгазь төргәкләрдә яки яшелчә бүлегендә.
Брокколи: 0…+2 °C, 90-95% дымлылык, дымлы тукымага яки кәгазьгә төреп сакларга кирәк.
Шпинат һәм салат: 0…+4 °C, 90-95% дымлылык, вентиляция тишекләре булган пластик пакетларда саклау яхшы.
Сарымсак: +0…+5 °C, 65-70% дымлылык, караңгы һәм коры урында саклау.
Суган: +0…+4 °C, 60% дымлылык, караңгыда саклау – шытып чыгуны булдырмас өчен.
Редис: 0…+2 °C, 90% дымлылык, суда яки дымлы тукымада саклау, кипмәсен өчен.
Яшел борчак: -18 °C (катырылган очракта); яңа – 0…+2 °C, 90-95% дымлылык. Катырганда бланшировкалау киңәш ителә.
Кабак һәм баклажан: +10…+15 °C, 85-90% дымлылык, караңгы урында саклау яхшы.
Карбыз: +5…+10 °C, 90% дымлылык. Бөтен карбызларны салкын урында, ә киселгәнен – суыткычта сакларга кирәк.
Яшелчә һәм җиләк-җимешләрне туңдыргычта саклау
Катырылган ризыкларның файдалы матдәләре саклана, ләкин барлык продуктлар да бу ысулга яраклы түгел.
Брокколи, чәчәкле кәбестә: бланшировкадан соң катырылырга тиеш – витаминнарын һәм текстурасын саклый.
Кишер, чөгендер: катырганчы бланшировать итү кирәк, тәме югалмасын өчен.
Җиләкләр (карлыган, күк җиләк, җиләк, кура җиләге): эшкәртүсез катырылырга мөмкин, десерт һәм смузи өчен уңайлы.
Помидор: бөтен килеш катырмаска, томат пюресы яки согы рәвешендә яхшырак.
Кыяр, карбыз: катырганнан соң текстурасы сулы һәм йомшак була, шуңа күрә катырмаска киңәш ителә.
